JADE
"Lexus, huwag ka masyadong malikot kay Yaya Lorna, ha. Makinig ka sa kanya," bilin ko sa anak ko na busy maglaro. "Lorna, huwag mo palabasin si Lexus, uso ang dengue ngayon," baling ko naman kay Lorna na busy magdutdot sa cell phone nito.
"Copy, ma'am."
Nagkaroon ng dengue outbreak nitong nakalipas na araw. May mga ilang bata na ang sinugod sa ospital dahil sa dengue. Natatakot ako na baka maospital na naman ang anak ko. Wala pa naman ang asawa ko. Sakitin si Lexus at ayaw ko na bumalik muli siya sa ospital. Kaya nga kilala na siya ng mga nurse dahil labas-masok siya sa ospital. Ngayon na lang sumigla ang pangangatawan niya.
Ginamit ko ang isang araw para makapaglinis ng bakuran pati sa buong bahay. Nag-spray rin ako ng odorless insecticides para siguradong walang lamok na dadap
