JADE
Hindi na niya nagawang magtanong sa akin at agad niyang kinuha si Lexus. Binalingan ko naman si Lorna at kinuha ang payong na hawak nito.
"Ikaw na muna ang bahala rito, Lorna," bilin ko rito.
"B-balitaan mo ako, ma'am, ha," umiiyak na ring sabi nito. Tumango lamang ako bilang sagot.
Tinungo namin ang sasakyan ni Lucas na nakaparada sa labas ng gate. Pinasok n'ya muna si Lexus sa back seat bago niya ako pinapasok. Binigay ko sa kanya ang payong pero hindi niya kinuha. Sinara na lang niya ang pintuan ng sasakyan at umikot patungo sa driver's seat. Walang imik na pinaandar niya ang sasakyan.
Kinandong ko si Lexus sa akin at niyakap ko ito. Nanginginig na naman ito. Natatakot ako dahil baka huli na ako na dalhin siya sa ospital. Sana pala dinala ko na siya kanina sa ospital ng hi
