LUCAS
Tulala na nakatingin lamang ako sa screen ng laptop ko. Ilang araw na akong ganito. Or should I say, weeks. Hindi ko magawang ituon ng maayos ang atensyon ko sa opisina. Pinipilit kong bumalik sa dati ngunit hindi ko magawa. Paulit-ulit lang na bumabalik sa akin ang mga nangyari.
Nakalipas na ang ilang linggo simula ng pagkawala niya pero nasasaktan pa rin ako. Nadudurog pa rin ang puso ko. Parusa na siguro sa akin ito dahil naging pabaya ako. Naging kampante ako na hindi na mapapahamak ang asawa ko.
Ilang linggo na rin akong hindi kinakausap ng magulang niya. Masakit na ang itinuring kong pangalawa kong magulang ay naging malamig na ang pakikitungo sa akin. Hindi ko sila masisisi dahil pinagkatiwala nila ang anak nila sa akin pero bigo akong protektahan ang asawa ko. Kahit masa
