Lalong nagsalubong ang mga kilay niya.
"Cyanide? Ano iyon? Pwede bang ang gamitin mong lengguwahe 'yong pang-human being? Lakas maka-alien ng mga terminologies mo eh!" nakangiwi niyang wika rito.
Dinig niya ang hagikgik ni Larkspur sa likod niya kaya nilingon niya ito at sinipa sa binti.
"Cyanide, isang uri ng lason. May dalawang klase nito, may gas cyanide at meron na liquid cyanide. Ang nakita ko sa sample na dinala mo ay liquid cyanide," mahinahon na pagesplika nito.
"Lason? So, nakakamatay 'yan?" tanong muli niya.
Umirap naman sa hangin si Oleander tanda na naiinis na ito sa pagiging slow niya. "Malamang nakakamatay, lason nga 'di ba? Mayroon bang lason na nakakabuhay?"
Kinagat niya ang magkabilang pisngi sa loob ng bibig at lumabi sabay tapik sa braso ni Oleander. "Malay mo nama
