IZA’s POV
Nandito silang lahat.
Sina Mama Cindy, Papa Lex, pati na rin ang mga Martins. Umiiyak sila habang yakap-yakap ako, para bang isang multo na muling nagpakita. Inakala nilang lahat na patay na ako. Ako man, sa isang iglap, parang hindi sigurado kung totoo ba ang lahat ng ito o bunga lang ng matagal na pagkakahimbing.
Naging isang reunion ang biglaang pagsulpot nilang lahat. Sama-sama silang dumating sa bahay, kasama si Siegfred, na tila hindi rin makapaniwala sa nakikita niya. Ang daming tanong sa mga mata nila, pero mas nangingibabaw ang saya, ang ginhawang matagal nilang inasam.
Pinagkakaguluhan nila si Thereze. Tuwang-tuwa sila sa anak namin. Isa-isa siyang kinarga, kinurot sa pisngi, pinatawa. Sa bawat hagikgik niya, mas lalo silang napapaiyak. Para bang sa kanya nila ibinu
