Inakay ni Aling Gina ang mga bisita ni Georgina papasok sa munti nilang tahanan. Simple lang ang bahay nila. Dalawang palapag, hindi gaanong kabongga. May sliding window, tiles ang sahig, at may kulay berdeng pintura ang dingding. Paboritong kulay ng kanyang Mamsy lalo na't mahilig ito sa halaman. Minsan nga nagtataka si Georgina kung bahay pa ba 'tong tinitirhan niya o botanical garden.
"Sandali, bakit hindi n'yo isinama 'yong guwapo niyong model ng magazine? Nako! Gusto ko pa naman 'yong makita. Iyong bago ba?" ani Aling Gina.
"O-Oo, Mamsy. B-Bago lang siya. W-Wala siya, e. Busy," pagdadahilan ni Georgina.
Bakit mo pa ba kasi hinahanap, Mamsy? Hindi mo ba alam na parte ng kasalanan ko sa inyo si Juancho. My gosh!
"Ay, gano'n ba. Hindi na bale, tatlo na rin naman kayong naririto, e. A
