MANGIYAK-ngiyak na ngayon ang ina ni Georgina dahil mamamaalam na siya sa anak at hindi pa alam kung kailan muling bibisita sa dalaga. Kasalukuyan sila ngayong nasa pintuan at handa na ang mga iuuwing mga pagkain ng Mamsy niya upang ipasalubong sa Papsy niya.
Marahan niyang hinimas-himas ang likod ng kanyang ina. "Mamsy, tama na 'yan. Para naman akong hindi uuwi, e. Soon, makakauwi rin kami ni Enzo do'n sa Fuego."
"Hihintayin ko 'yan, anak ha?"
"Opo. Mag-iingat kayo sa biyahe, ha? Ikamusta mo na lang po ako kay Papsy."
Nagyakapan pa ang dalawa ng mahigpit. Maging si Sandra ay naluluha na rin. Paano ba naman, she grew up without a mother. Ano ba ang pakiramdam na may kasamang nanay sa paglaki mo? Kailanman, hindi makaka-relate do'n si Sandra.
Binalingan ni Aling Gina si Sandra. "Hija
