CHAPTER 29
HAZEL POV
Maaga akong nagising, katulad ng nakasanayan nitong mga nakaraang araw. Bumangon ako na may ngiti sa labi habang tahimik na tinutungo ang kusina. Naipangako ko sa sarili ko kagabi—ipagluluto ko ulit ang mga bata… at siyempre, pati si Mr. Belfort. Hindi ko maipaliwanag, pero may kakaiba sa mga tingin niya kagabi. Para bang unti-unting lumalambot ang dating malamig at seryosong lalaking kilala ko. At sa bawat sulyap niya sa akin, parang may nararamdaman akong pag-aalalang hindi niya maipakita nang hayagan.
Pagdating ko sa kusina, agad akong nagtungo sa refrigerator para kumuha ng mga sangkap na pwede kong lutuin. Pero hindi pa man ako nakakapag-umpisa, nagsalita na si Eliza mula sa likod.
“Nasarapan lang ang mga bata sa luto mo kahapon kaya uulitin mo pa talaga?” tan
