Tinitigan ni Liam ang mga mata ni Thea. Nakita niya ang takot na biglang namuo roon—ang parehong takot na naramdaman niya kahapon sa hapag-kainan.
Hinigpitan niya ang hawak sa magkabilang kamay ng dalaga at hinila ito nang bahagya para mas magkalapit sila.
"Hey... tingin sa akin, baby," malambing ngunit matatag na utos ni Liam.
Sumunod naman si Thea, bagamat medyo nangangatog ang kaniyang labi. "Liam... sasabay ka ba sa kaniya? Iiwan mo na rin ba ako?"
"Hindi. Hindi ako sasabay," mabilis na sagot ni Liam para pawiin ang advanced na takot ng girlfriend. "Dito pa ako mag-aaral. May dalawang taon pa ako sa university, 'di ba? Third year pa lang ako sa susunod na pasukan. Kaya huwag mo muna isipin 'yung pag-alis."
Nakahinga nang maluwag si Thea, ngunit hindi pa rin tuluyang nawala ang big
