HINDI AKO MAKATINGIN kay Daniel habang kumakain kami ng hapunan. Nagpa-deliver siya mula sa isang restaurant. Paggising ko kanina ay wala na siya sa aking tabi at isinasaayos ang mga pagkain na ipina-deliver niya sa labas ng cabin. May munting deck sa likurang bahagi ng cabin. Maganda naman ang view kahit na puro puno ng pine trees lang talaga ang makikita. May mga isinabit na lanterns sa mga punong iyon na nagbigay ng romantic feel sa paligid.
Dinagdagan pa ni Daniel ang romantic feel na iyon nang magsindi siya ng maraming mga kandila sa paligid. Though hindi ko dapat na iniisip na romance ang dahilan ng gesture na iyon dahil karamihan sa mga kandila na iyon ay citronella candles. Itinataboy niya ang mga insekto.
May munting flower arrangement sa gitna ng table pero naisip ko na inilag
