“NAGPUNTA KA SA mangkukulam, ano?”
Hindi ko sinagot ang tanong ni Daniel. Nagtuloy ako sa sink at binuksan ang mga dala ko. Dumaan ako ng palengke bago ako umuwi. Bumili ako ng ilang gulay at prutas para maigawa ko si Daniel ng smoothie na makabubuti sa kanyang kidneys and liver.
“Petra, sinabi ko na sa `yo na hindi kulam ang nangyayari sa akin.”
“Oo, nagpunta ako kay Madam,” ang sabi ko habang hindi ako tumitingin sa kanya. Ganoon pa rin ang hitsura niya pero hindi na siya nagkakamot. Siguro ay tumalab na kahit na paano ang mga anti-histamine na ininom niya. “Naisip ko lang na wala namang mawawala. Sinubukan ko lang naman.”
“May mawawala. Twenty K ang mawawala.”
“Hindi niya ako siningil this time. Thank God.”
“May napala ka man lang ba?”
Napabuntong-hininga ako bago ko nagawang tum
