NAGPATULOY ANG MAGANDANG relasyon namin ni Daniel. Nagkikita kami hanggang sa kaya ng schedule. Magkausap kami sa telepono kapag pareho kaming libre. We laughed a lot. I have never been so happy. Ramdam ko ang mas paglalim ng nararamdaman kong espesyal habang tumatagal.
Masaya rin para sa amin ang aming mga kaibigan. Mukhang hindi na nga sila gaanong nagulat sa pagbabagong iyong sa amin. Parang medyo inasahan na nilang mangyayari. Ikinatuwa ko ang kumpiyansa na mayroon sila sa amin. Tiwala silang magiging maayos ang lahat.
Lubos ko iyong pinaniniwalaan hanggang sa isang gabi ay nakatanggap ako ng text message. Inakala kong galing iyon kay Daniel kaya kaagad kong binuksan. Hindi si Daniel ang nag-text kundi si Mark. Natigilan ako nang mabasa ang mensahe.
I miss you.
Napakurap-kurap ako
