Masilaw na liwanag ng ilaw ang sumalubong sa aking mga mata.
Ikinurap-kurap ko pa muna ang mga mata bago tuluyang itinunghay sa puting kisame.
Pinilit kong alalahanin ang huling pangyayari sa akin.
Napabangon ako bigla sa kama nang maalala ang huling taong nasilayan ko.
"Benjamin..."
Inilinga ko ang mga mata sa paligid at hinanap roon ang binata.
"Benjamin!" Sigaw ko sa kaniyang pangalan.
"Annalyn?" Narinig kong tawag sa akin ng kilalang-kilala kong boses.
Nilingon ko ito at nakita kong nakatayo siya sa may pintuan.
"Rey?" paanas kong tanong.
Pa'no nangyari na si Rey ang narito gayong si Benjamin ang huling taong nasilayan ko bago ako tuluyang nawalan ng malay.
"Ano'ng ginagawa mo rito?" asik kong tanong kay Rey at matapang na tinitigan ito sa kaniyang mga mata.
"Bu
