“HINDI mo na ako kailangang ipagmaneho. Kaya ko namang mag-taxi. Hindi naman siguro ako mawawala.”
Pinanatili ni Santino ang mga mata sa daan. Nasa sasakyan sila patungo sa restaurant na napili niya para sa pag-uusap nina Diosdado at Aurora. Ang sabi ng dalaga ay nag-message na ang dating nobyo nito upang ipaalam na nasa Maynila na.
“Mas makakampante ako kung ako mismo ang maghahatid at susundo sa `yo. Bakit ka pa magta-taxi kung may sasakyan naman?” Sinikap ni Santino na pakaswalin hanggang sa maaari ang tinig. Ramdam niya ang tensiyon sa buong katawan. His stomach hurts. Para siyang mababaliw sa ilang bagay na naiisip.
Mukhang ninenerbiyos din si Aurora. Nakasuot ang dalaga ng isang simpleng bestida at flats. Napakaganda nito kahit na bahagyang namumutla ang mukha. Bakas ang pag-aala
