PAGDAAN NI Santino sa silid ni Aurora ay napansin niya na nakaawang ang pintuan niyon. Sisilip sana siya ngunit narinig niya ang tinig ni Soleng. Katapat lang ng silid ni Aurora ang inilaang silid para kina Soleng at Claudine. Napansin ni Santino na nakabukas din ang silid na iyon at nakikita niyang nahihimbing na sa kama sa Claudine. Sinadya marahil ni Soleng na panatilihing bukas ang mga pintuan upang marinig nito kung sakaling magising si Claudine at manibago sa kapaligiran.
Itutuloy na sana ni Santino ang pagpunta sa silid niya at bigyan ng privacy ang matalik na magkaibigan nang marinig niyang inusal ni Soleng ang kanyang pangalan.
“Grabe ang mga naging pagbabago kay Santino, ano?”
Isinandal ni Santino ang sarili sa pader. Sa ibang pagkakataon marahil ay hindi niya hahayaan na bum
