“ALAM MO bang madalas akong naiinggit kay Soleng?”
Hindi inalis ni Santino ang paningin sa mag-inang Soleng at Claudine na nagkakatuwaan sa pool. Nakaupo sila ni Aurora sa chaise longue. Nagkayayaang mag-swimming pagkatapos ng meryenda nang hapon na iyon. Walang ganang lumangoy si Aurora kaya sina Soleng at Claudine na lamang ang nagpapakasaya sa pool.
“Ang sabi nila ay kanya-kanya ang biyaya at pagdurusa,” pagpapatuloy ni Aurora. “Pero hindi ko talaga maiiwasan ang mainggit minsan sa best friend ko. Matagal-tagal niyang hinintay na may manligaw sa kanya. Alam mo naman siya, intense sa lahat ng bagay. Madalas niyang ireklamo sa akin na hindi siya ligawin. Noong may lalaking naglakas-loob sa wakas, agad niyang sinagot. Siguro hindi niya inasahan na natagpuan na niya ang forever niya. Sigu
