HINDI MAKATULOG nang gabing iyon si Santino. Binabalik-balikan ng kanyang isipan ang nangyari sa araw na iyon. Ilang pagkakataon na natagpuan niyang nakangiti ang sarili. Napapaisip naman siya sa ilang sinabi ng dalaga. Pinigilan niya noong una ngunit kusa pa ring nagplano ng ilang bagay ang kanyang isipan para sa hinaharap. Hindi rin niya naiwasang lumikha ng ilang magagandang larawan. Mga larawang magkasama sila ni Aurora. Mga larawan na ipininta na nilang magkasama ilang taon na ang nakararaan.
Madaling-araw na nang magpasya si Santino na lumabas ng silid. Nais lang niyang magpahangin sa may terrace ng ikalawang palapag. Natigilan siya nang makitang bukas ang pintuan patungo sa terrace. Banayad na inililipad ng hangin ang lace na kurtina. Bago makalabas sa terrace ay mayroon munang fam
