Patingin-tingin lamang si James sa habang nagda-drive. Galing kaming airport dahil sinundo namin sina nanay at tatay – Tatay Justine. Ako naman ay nakikinig lamang sa kwento ni nanay about sa escapades nila at kung gaano kaganda ang Boracay.
“Pwede siguro tayong pumunta ulit doon sa bakasyon, anak. Marerelax ka talaga doon.”
“Sige po pero pwede naman sigurong sa Palawan naman, nay.”
“Mahal daw doon, anak. Dollar daw kasi ang bilihan doon baka hindi natin ma-afford.”
“Paano niyo naman nalaman ‘yan nay?”
“Alam mo naman ang nanay mo, likas na friendly kaya ayun nakipag-chikahan doon sa mga kaedad namin na bagong retired at nag-eenjoy nalang sa buhay.” Sabat naman ni Tatay Justine.
Tumawa ako sa sinabi ni tatay. “Si Aling Marites talaga hindi nagpaiwan sa bahay.”
“Naku, akala mo naman
