Hindi ako mapakali sa aking kwarto kaya naman lumabas akong muli sa sala. Nandoon pa ang nanay at busy sa pagrerepack ng paminta habang nanunuod ng balita.
"Bakit hindi ka pa natutulog, Andrea? Aba'y may pasok ka pa bukas."
"Hindi po ako makatulog, nay."
"Iniisip mo pa rin ba si James?" Tanong ng ina sa akin. Tumigil ito saglit sa ginagawa at lumapit sa akin.
"Tinawagan ko kasi kanina, hindi sumasagot." Sumbong ko sa ina. "Nagriring naman ang cellphone niya, nay. Ayaw lang talaga siguro niyang sagutin."
"Hayaan mo na muna siya, anak. Nagpapalipas lang siguro ng sama ng loob."
"Kaso nagpunta sila sa bar, nay. Baka mag-inom iyon at magpakalasing dahil sa sama ng loob niya sa akin. Paano kung sa sobrang kalasingan niya ay makagawa siya ng isang bagay na pagsisisihan niya sa bandang-
