“NAKATAPOS din sa wakas!”
Niyakap nang mahigpit ni Kila si Xander pagpasok nila sa loob ng apartment nila. “Congratulations! Ang galing-galing mo talaga!”
Gumanti ito ng yakap. “Maraming salamat! God, I can’t believe I survived college.”
Hindi naman siya nagduda na matatapos nito ang pag-aaral. Nagtapos ito kanina at kauuwi lang nila mula sa celebration nila kasama ang pamilya nito. Masaya silang nag-dinner sa isang tahimik na restaurant. Kompleto ang mga kapatid ni Xander. Proud na proud ang mga magulang nito. Ang sabi ni Mom ay magdadaos ito ng malaking party para dito ngunit tinanggihan iyon ni Xander. Sapat na raw ang pribadong selebrasyon nila.
Proud na proud din si Kila rito. Sa kabila ng hirap na dinanas nito, sa kabila ng bigat ng naging responsibilidad nito, natapos nito ang p
