SINAMAHAN nina Kila at Xander si Lola Ancia sa silid nito. Maaga raw itong nagpahinga dahil hindi maganda ang pakiramdam nito. Hindi na sila nito sinamahan sa hapunan. Dahil kakaunti lang daw ang nakain nito, ipinagdala nila ito ng sliced fruits.
Nadatnan nilang nasa higaan na ang matanda at nanonood ng balita sa telebisyon. Sinamahan nila ito sa malaking kama nito. Nasa gitna nila itong mag-asawa.
Gustong-gusto niya ang kuwarto ni Lola Ancia. Halos dalawang silid na ang katumbas niyon sa sobrang lawak. Victorian style ang bed linens, wallpaper, at rugs. Ang ganda-ganda ng malaking glass chandelier sa gitna ng kisame. Marami itong mga imahen ng Birheng Maria na may mga sariling carved niches. Kagaya ng lahat ng bahagi ng villa, napakaraming orkidyas doon. Ang pinakapaborito niyang kasan
