MADALING nakasanayan ni Kila ang pagpasok sa university. Enjoy na enjoy nga siya. Sabik siya palagi sa pagpasok. Marami na siyang mga nagiging kaibigan. Kahit na mas matanda siya kaysa sa mga kapwa niya freshmen, wala namang gaanong kaso. Madali niyang nakakasundo ang mga kaklase niya kahit na sosyal ang karamihan sa mga ito.
Hindi niya itinago ang totoong estado niya sa buhay. Castañeda na ang ginagamit niyang apelyido at madalas siyang tanungin kung may kaugnayan siya sa mga tanyag na Castañeda. Madalas na nagugulat ang mga kaibigan at kaklase niya kapag nalalaman ng mga ito na kasal na siya. Wala namang rason upang itago niya ang pagiging married niya. Kahit na hindi sila normal na mag-asawa ni Xander, mag-asawa pa rin sila. Ang isa pa, ang mga magulang ni Xander ang nagpapaaral sa kan
