PAKIRAMDAM ni Kila ay bumalik sila ni Xander noong unang beses silang nagsama sa iisang silid. Nais niyang matawa sa pagkailang na nararamdaman niya. Marahil ay dahil ilang linggo na rin silang hindi magkasama. Iba na rin ang sitwasyon kaya hindi niya maiwasang mailang. Kahit naman naiilang siya ay may halo pa rin iyong excitement.
Paglabas nito ng banyo ay kaagad niyang itinuon ang kanyang mga mata sa librong hawak niya kahit na hindi naman niya naiintindihan ang mga salitang nakaimprinta roon. He was shirtless. Tanging boxer shorts lang ang suot nito. Napalunok siya sa ganda ng katawan nito.
Noong mga unang buwan ng kanilang pagsasama ay hindi siya sanay na wala itong pang-itaas habang pakalat-kalat sa maliit na apartment nila. Kahit na naiilang siya, hindi niya ito masita dahil alam n
