“OKAY ka lang?”
Tinanguan ni Kila si Gray na kasama niya sa isang restaurant nang gabing iyon. Wala sana siyang ganang lumabas ngunit nagpumilit ito. Magmumukmok lang naman daw siya sa unit niya. Bihira itong magkaroon ng break sa trabaho kaya samantalahin na raw nila. Idinagdag pa nitong ang tagal nilang nagkahiwalay at marami silang dapat na punan.
Wala na siyang nagawa kundi ang pumayag. Tama naman ito, magmumukmok lang siya sa unit. Makabubuti marahil sa kanya kung lalabas siya upang makapaglibang kahit paano.
Nitong mga nakaraang araw ay si Gray ang kasa-kasama niya. Tuwing libre ito sa trabaho ay pinupuntahan siya nito. Tuwing naka-break ito sa set ay kausap siya nito sa telepono. Dahil nangangailangan siya ng isang kaibigang makakaramay, dito niya nasasabi ang lahat. Naging mabut
