PABILING-BILING sa higaan si Kila. Alas-dos na ng madaling-araw ngunit hindi pa rin siya makatulog. Napapabuntong-hininga na napatingin siya sa kabilang bahagi ng kama. May nakaharang na mga unan sa gitna ng kama ngunit bakante naman ang espasyo ni Xander.
She missed him terribly. Ikalawang gabi na iyon na hindi niya ito katabing natutulog. Dalawang araw na rin itong hindi umuuwi sa unit nila. Nagdesisyon ito na makipanirahan muna sa condo unit ni Kuya Travis hanggang sa makahanap ito ng bagong matitirhan.
Pinigilan niya ito ngunit ang sabi nito ay mas makabubuti iyon. Mas maiging masanay na sila habang maaga pa. Ang sabi niya rito ay siya ang dapat na lumipat dahil ito naman ang nagpundar ng unit na iyon. Nginitian siya nito at sinabing ibinibigay na nito sa kanya ang unit.
Inasahan n
