“HI, GRACE!” masiglang bati ni Kila sa sekretarya ni Xander. “Nasa loob ba si Xan o nakalabas na para sa tanghalian?”
Ginantihan nito ang ngiti niya. “Nariyan pa po sa loob si Sir, Ma’am. May kausap pa po kaya hindi pa po siya nakakalabas para mananghalian.”
“Mabuti naman. Akala ko ay hindi ko na siya maaabutan.” Kinailangan kasi niyang lumabas ng opisina at inakala niyang hindi siya matatapos kaagad kaya sinabihan niya ito kanina na mauna na itong mananghalian. “Sino ang ka-meeting niya? Importante ba? Puwede kaya akong pumasok?”
“A certain Gabriella Delfin po.”
Nanlamig siya sa kanyang narinig. Nasa loob ng opisina ni Xander ang dati nitong nobya? Kaagad na binundol ng kaba ang dibdib niya.
Bago pa man siya makapag-isip ay mabilis na siyang nakalapit sa pinto. Hindi na siya nag-aba
