"Seryoso? Ito ang play area ni East?"
Punong-puno ng pagkamangha ang mga mata ni Selena habang naglalakad sa malawak na garden ng bahay. Mayroon doong, kotseng sasakyan, siso, duyan, slides at monkey bars. Iba't-ibang klaseng toy car na puwedeng sakyan ng bata.
"Pinasadya 'yan ni Sir North para kay East," wika ni Manang Garing.
Hindi pa rin naglalaho ang amusement sa mukha ng dalaga. Grabe, alam niyang mayaman talaga ang pamilyang Castellana. Pero hindi pa rin niya akalain na kayang maglagay sa bahay, eksaktong sa garden ng ganito kagandang palaruan.
"Nag-iiba na ba ang isip mo, type mo na si Sir North?" nasa bandang noo na ni Kiray ang naka-eyeliner nitong isang kilay habang nakahalulipkip sa harap niya.
"Hi-hindi, Kiray."
"Nagulat lang talaga ako sa play area na ito," rason ni Sele
