"Ang hindi ko maintindihan ay 'yong hindi niya mapagbigyan 'yong suhestiyon ko."
Hindi maipinta ang mukha ni Selena habang nakaupo sa duyan. Naroon sila ni Greg sa playground ng village habang papalubog ang araw.
"Nag-iingat lang si North," sagot naman nito nang umupo sa tabing duyan.
Mabilis siyang humarap sa direksyon ng binatang inaya siyang lumabas ng bahay pansamatala.
"Alam ko naman 'yon. Pero napakarami niyang mga security. Puwede niyang gamitin 'yon para makasigurado siya," reklamo ni Selena.
"Mahirap na magpakasigurado siya, minsan nang nawalan si North. For sure, hindi siya magta-take ng risk this time."
"Kaya ikukulong niya na lang si East?"
Unti-unting nababanas ang dalaga. Nakamulagat siya kay Greg habang hindi makapaniwala sa nanggaling sa pulis.
"Sa akin? Wala ba si
