Hindi pa rin natitinag si Selena sa pagkakaupo. Hindi niya alam kung anong uunahing kunin sa mga nakalululang nakahain sa lamesa.
Sinulyapan ni North ang dalaga. Nakatunghay lamang ito, at parang walang balak kumain.
"Miss Ortega, can you put some in my plate?" seryosong request niya.
"P-po?"
Nang tingnan niya si Selena ay tila nagising ito. Walang hinto ang pagkurap ng mga mata, at nagtatanong ang imahe sa kung ano'ng sinabi niya.
"Ako na po, Sir-" boluntaryo ni Kiray pero nilinga ito ng binata, at binigyan ng matalim na tingin.
"Hindi na po pala," Nagyuko ng ulo ang dalagitang kasambahay matapos maiparating ng mga mata niya ang pagtutol.
Muling binalingan ni North si Selena.
"Si-sige po. Ano po ba'ng gusto ninyo?" Natatarantang tanong nito, at tumayo sa silya.
"That one!" Turo
