“Angel, kumusta na ang usap natin kay Mr. Reyes? Have you informed him of our preferred date for a site inspection?” tanong sa akin ni Sir Luke. Si Mr. Reyes ay isa sa mga clients niya.
“Yes Sir, I sent him an email yesterday. I'm just waiting for his reply,” sagot ko naman.
“Paki-follow up mo sa kaniya para alam natin ang magiging schedule natin,” utos niya.
“Okay sir.” Tumango siya saka bumalik sa kaniyang opisina. Agad ko naman binuksan ang email para mag-follow up kay Mr. Reyes. Matapos magpadala ng email ay ipinagpatuloy ko na ang ginagawang pag-aayos ng mga files. Abala ako sa harap ng computer nang biglang bumukas ang pinto ng opisina namin. Sabay kaming napalingon ni Miss Monica para alamin kung sino ang dumating. Napaawang ang bibig ko nang mamukhaan ang lalaking nakatayo sa ha
