Hindi ako mapakali habang kumakain kaharap si sir Luke. Nahihiya ako na tanggihan siya kaya sumama ako sa kaniya na mag-dinner kami. Baka bilang boss ko ay concern lang siya sa akin at gusto niyang unawain ang sitwasyon ko. Ngunit ngayon na nandito na kami sa mamahaling restaurant ay saka naman ako nagdadalawang-isip. Hindi na ako sigurado kung handa ba akong magsabi sa kaniya ng sitwasyon ko. Nakaiilang din ang mga tingin niya sa akin. Ramdam ko na may nais siyang sabihin o itanong sa akin ngunit pinipigil niya ang sarili.
"Don’t you like the food?" nagtataka niyang tanong.
"M-Medyo busog pa po kasi ako," pagdadahilan ko. Nagdududa ang tinging ipinukol niya sa akin. Mayamaya ay nagbuntong-hininga siya at animo'y napapagod na napasandal sa upuan. Ako naman ay tumungo at itinuon ang mga m
