Si Captain Rafhaela Jessyca Altamonte ay sanay sa pressure. Sanay siyang nasa cockpit, gumagawa ng mabilis na desisyon, at palaging nasa ilalim ng mata ng mga taong mataas ang expectations sa kanya. Bilang anak ng may-ari ng Altamonte International Airways, hindi lang siya isang ordinaryong piloto. Bitbit niya ang pangalan ng isang makapangyarihang pamilya—isang pangalan na may reputasyon, impluwensiya, at mga lihim na matagal nang nakatago. Pero may isang bagay na hindi niya kayang kontrolin. Ang nararamdaman niya kay Darhnyl Alcantara Adora. Si Darhnyl ay isang flight dispatcher sa AIA—tahimik, seryoso, observant, at hindi madaling ma-impress. Hindi siya natatakot pagsabihan si Rafhaela kapag may mali ito, kahit pa captain ito at anak ng may-ari ng kumpanya. Nagsimula ang lahat sa tatlong minutong pagka-late. Para kay Darhnyl, sapat na iyon para pagsabihan siya. Para kay Rafhaela? Nakakatuwa lang ang babaeng galit sa kanya. Sa bawat pagtatalo, may asaran. Sa bawat asaran, may kilig. At sa bawat pagtatagpo nila, unti-unting nabubura ang distansyang dapat sana'y nananatili sa pagitan ng isang captain at isang dispatcher. Pero habang lumalalim ang relasyon nila, may mga bagay na nagsisimulang magbago sa paligid ni Rafhaela. May mga lihim na unti-unting lumalabas. May mga taong hindi niya alam kung mapagkakatiwalaan. At may mga pangyayaring tila may koneksyon sa isang bahagi ng buhay ng kanyang pamilya na matagal nang itinago sa kanya. Hanggang sa dumating si Camila Aitana Schmid. Isang babaeng lumaki sa Germany. Isang babaeng halos walang bakas sa kasaysayan ng Altamonte family. At higit sa lahat— ang kambal na kapatid ni Rafhaela. Habang unti-unting nabubunyag ang katotohanan, mapipilitan si Rafhaela na kuwestiyunin ang lahat ng alam niya tungkol sa kanyang pamilya. At habang mas lumalapit siya sa mga lihim na matagal nang nakatago, mas lumalaki rin ang panganib para sa kanya at kay Darhnyl. Dahil sa mundong puno ng secrets, betrayal, danger, at deception, hindi lahat ng taong malapit sa'yo ay dapat pagkatiwalaan. At minsan, ang pinakamahirap protektahan ay hindi ang isang pangalan, isang pamilya, o isang legacy. Kundi ang taong mahal mo. Paano kung ang taong pinakamahalaga sa'yo ay siya ring taong kailangan mong pagdudahan? Paano kung ang katotohanang matagal mong hinahanap ay siya ring dahilan kung bakit maaari mong mawala ang taong mahal mo? At paano kung sa dulo ng lahat, matuklasan mong may mga sugat na hindi sinadyang ibigay... pero may pagmamahal na hindi kailanman sinadyang makasakit. This is their story. This is Rafhaela and Darhnyl's story. This is NEVER MEANT TO HURT YOU.

Mel loved Storm with everything she had. Storm loved Mel enough to let her go or so she wanted Mel to believe. For Anna Melissa, Storm was never just a woman she shared a bed with. She was the woman who made her believe that even the coldest hearts could learn to love. Sa bawat halik, bawat yakap at bawat sandaling magkasama sila, naniwala si Mel na may puwang siya sa puso ng babaeng hindi basta-basta nagpapakita ng emosyon. She thought she was special. She thought she was the exception. Until Storm looked her straight in the eyes and shattered everything they had built with a few merciless words. “If there was anything between us at all, it was just great sex.” Pitong salita lang sana ang kayang kalimutan ni Mel. Pero paano niya buburahin sa isip niya ang mga alaalang minsan niyang pinanghawakan? Paano niya paniniwalaang wala lang ang lahat kung siya mismo ang nakaranas ng mga sandaling pakiramdam niya, siya ang pinakamahalagang tao sa mundo ni Storm? Masakit ang tanggihan. Pero mas masakit ang malaman na baka ang mga bagay na itinuring mong pagmamahal ay wala lang palang kahulugan sa taong pinagkatiwalaan mo ng buong puso mo. And the worst part? She couldn't even hate Storm enough to stop loving her. Sa kabila ng lahat, may bahagi pa rin kay Mel na gustong itanong kung may nagawa ba siyang mali. Kung kulang ba siya. Kung may pagkakataon bang may nagawa siyang iba para hindi humantong sa ganito ang kanilang relasyon. But love should never make you beg for your worth. Kaya sa gabing iyon, habang unti-unting namamatay ang pag-asang minsan niyang ipinaglaban, may isang pangakong nabuo sa puso ni Mel. Hindi siya magmamakaawa. Hindi niya hahabulin ang babaeng malinaw na ayaw na sa kanya. At lalong hindi niya hahayaang ang isang babaeng minsan niyang minahal ang maging dahilan ng tuluyan niyang pagkawasak. Kung iyon ang gusto ni Storm, ibibigay niya. She would walk away. But walking away doesn't mean forgetting. At ang pagpapatawad ay hindi nangangahulugang kailangan niyang kalimutan kung paano siya sinaktan. Dahil may mga salitang hindi na kayang bawiin, may mga pusong hindi na maibabalik sa dati at may mga pagmamahal na kahit gaano katotoo ay hindi sapat para manatili ang isang tao. Pero paano kung ang babaeng nagtulak sa kanya palayo ang siya ring hindi kayang tanggapin ang pagkawala niya? Paano kung sa oras na tuluyan nang tumalikod si Mel, saka lamang maramdaman ni Storm ang katahimikang siya mismo ang lumikha? At paano kung ang babaeng tinawag niyang stupid ay siya palang babaeng hindi niya dapat binitawan? Dahil hindi lahat ng sugatang puso ay naghihintay na muling mahalin. May mga pusong natututong lumaban. May mga babaeng kayang ngumiti kahit wasak na wasak na sa loob. At may mga babaeng kapag tuluyan nang nawalan ng dahilan para manatili, nagiging pinakamahirap nang abutin. Storm wanted Mel gone. And Mel would give her exactly what she wanted. But when their paths crossed again, Storm might discover that the woman she so easily discarded was no longer the woman who once begged her to stay. This time, Anna Melissa wouldn't be the one asking for love. This time, Storm might be the one left begging.

Sabi nila, hindi namamatay ang unang pag-ibig. Pero paano kung ang lalaking minahal mo noon ay maging asawa ng matalik mong kaibigan? Bago naging asawa ni Rachell si Bi Min-Ho, siya muna ang unang pag-ibig ni Nadine. Nangako silang magsasama habambuhay, hanggang sa isang hindi pagkakaunawaan ang sumira sa kanilang pangarap. Makalipas ang ilang taon, muli silang pinagtagpo ng tadhana. Kasal na si Min-Ho kay Rachell, habang si Nadine ay isang inang mag-isang nagpapalaki sa kaniyang apat na taong gulang na anak na naghahanap ng ama. Upang tulungan ang kaibigan, may kakaibang pakiusap si Rachell kay Min-Ho, magpanggap itong ama ng anak ni Nadine. Ngunit ang simpleng pabor ay gumising sa mga damdaming matagal nilang ibinaon. Habang napapalapit si Min-Ho sa bata, bumabalik ang masasayang alaala at muling nabubuhay ang pag-ibig na akala nila'y tuluyan nang naglaho. Sa pagitan ng babaeng bahagi ng kaniyang nakaraan at asawang nangakuang mamahalin habambuhay, mapipilitan si Min-Ho na harapin ang katotohanang matagal niyang tinakasan. Ngunit sa oras na gumuho ang lahat, nagbalik si Liao Yang-zhen, ang lalaking iniwan si Nadine bago isilang ang kanilang anak. Determinado siyang bawiin ang nawalang puwesto sa buhay ng bata at muling makuha ang puso ni Nadine. Pero sapat ba ang mga pangako upang burahin ang apat na taong pagkawala? Habang ipinaglalaban ng dalawang lalaki ang kanilang pag-ibig, nabubunyag ang mga lihim, nasusubok ang pagkakaibigan, at nasasaktan ang mga pusong pilit kumakapit. Babalik ba si Min-Ho sa babaeng nagmamay-ari ng kaniyang nakaraan, o pipiliin niya ang asawang nagtiwala sa kaniya? Mapapatunayan ba ni Yang-zhen na karapat-dapat siyang pagkatiwalaan, o kailangan ni Nadine na tuluyang bitawan ang nakaraan upang protektahan ang kinabukasan? Dahil minsan, ang pinakamahirap tanggapin ay ang katotohanang may taong mananatiling iyo sa mga alaala, ngunit hindi kailanman magiging iyo upang angkinin.