Tumatakbo ang kuwento tungkol sa pakikipagsapalaran ni Sabel upang malabanan ang mga hamon sa buhay. Kung papaano niya nilabanan ang mga kababalaghang susukat sa kaniyang pananalig at pananampalataya.

Si Julian Del Moran... mula nang umuwi sa Lambak ng Inosencia kung saan nakatayo ang mansyon ng inang si Donya Liandra ay samu't-saring kababalaghan na ang nararanasan. At ang lahat ng kababalaghang ito ay may kaugnayan sa babaeng nagngangalang Anastasia na nakakulong sa loob ng mansion sa mahabang panahon. Ngayon, ang tanging paraan upang humupa ang trahedyang nararanasan sa Lambak ng Inosencia ay kung mapapaibig ni Julian si Anastasia. Anong hiwaga kaya ang bumabalot sa pagkatao ng babaeng ito? Mapapaibig nga kaya ni Julian si Anastasia o mag-iiba ang ihip ng kapalaran?

Si Jessa, isang babae na hinahangaan sa taglay na kagandahan at karangyaan. Mistulang tala na hindi maabot ng sinuman. Subalit isang pangyayari ang babago sa buhay niya. Isang eskandalo na magpapalamlam sa kinang niya. At ang maningning na tala na hindi maabot, ngayo'y bababa sa lupa at mapapadpad sa lugar na hindi niya inaakala. Sa bayan ng Bunsod, kung saan lahat ay taliwas sa kaniyang makinang na pinanggalingan, matatagpuan kaya niya ang kaligayahan na bubuong muli sa kanyang buhay?