Nakalahad sa Will and Testament ng Mama ni Abigail na kailangan muna niyang magkaroon ng sariling anak para mapasakanya ang kumpanyang tinatag nito, ang Park Corporation. Kaya naman humingi siya ng tulong sa kanyang Assistant Secretary na si Jackie na hanapan siya ng lalaking magbibigay sa kanya ng anak. Dinala siya ni Jackie sa isang Men's Club kung saan pinakilala sa kanya ang tinuturing Crown Jewel na si Jimmy. Aaminin ni Abigail na guwapo at maganda ang pangangatawan ni Jimmy. At may kung anong kakaiba siyang naramdaman nang makita niya ito. Pero lingid sa kanyang kaalamanan na ang lalaking kinuha niyang Boytoy ay kilalang Mysterious Tycoon Billionaire na si Jimson Lopez Ano ba ang dahilan bakit nagpanggap na Male Model sa isang Men's Club ang isang mayamang tao? Magagawa kaya nilang makabuo ng baby para makasa-kamay na ni Abigail ang Park Corporation?

ONE HUNDRED THOUSAND PESOS. Iyan ang kailangan ni Euphemia para sa operasyon kanyang Lola Raquel. Iyan din ang dahilan kaya naisipan niyang lumuwas ng Maynila para humingi ng tulong sa Tiyuhin niyang si Alvin Tuazon, ang panganay na anak ni Lola Raquel.Ngunit sa pagdating niya sa Manila, isang estrangherong lalaking sugatan ang kanyang tinulungan. Wala siyang ideya na ang lalaking pala iyon ay ang kilala siga at kinakatakutan sa lugar na iyon. At isa ring multi-billionaire.Gustong pagsisihan ni Euphemia na iligtas niya ang buhay ng lalaki dahil simula noon ay madalas na siyang kinukulit nito, at pinipilit na magpakasal. Tatanggapin ba niya ang inaalok ng lalaki ganoong posible itong makatulong sa financial problem niya ngayon sa kanyang Lola?

Sampung tauhan may kanya-kanyang lihim na itinatago mula sa nakaraan. Sa bawat tauhan ay makakatanggap ng isang hamon mula sa isang estranghero. Sa oras na hindi magawa ng tama, isa-isa silang mawawala. Walang nakakaalam kung sino ang estranghero sa likod ng mga misteryong pagkawala ng sampung tauhan. Walang nakakaalam kung saan nga ba nagsimula ng lahat. Sa bawat hamon binibigay ang estranghero, ang Yearbook na pagmamay-ari ng sampung tauhan ang kanilang natatanggap. Ang yearbook kung saan isa sa mga ka-batch nila ang blangko larawan. Tanging pangalan na lang nito ang nakasulat roon. At sa bawat tauhan ay mapapatanong ng... "Nasaan na ba si Aimee?" Si Aimee ang kontrobersyal nilang schoolmate na nasangkot sa isang video scandal. Walang sinuman ang nakakapagsabi kung ano na ang nangyari sa kanya matapos kumalat ang video nito. Si Aimee nga ba ang nasa likod ng estrangherong humahamon sa taong sangkot sa kanyang nakaraan? O isa rin siyang biktima ng mapaglarong nilalang?

HIGHSCHOOL PALANG si Lou ay pangarap na niyang maging isang singer at sumulat ng mga kanta. Kaya naman laking-tuwa niya nang may isang taong handang turuan siya. Si Taru. Ang secret crush niya. At ito rin ang kanyang magiging first boyfriend. Pero naudlot ang kanilang love story dahil bigla na lang nawala si Taru na parang bula matapos nitong makausap ang Mama ni Lou.Tatlong taon ang lilipas, maririnig ni Lou ang nilikha niyang kanta sa isang sikat na singer na si Aya. Wala siyang ideya kung paano napunta kay Aya ang kantang iyon ganoong siya ang sumulat nito. Para masagot ang gumugulo sa kanyang isipan, napagdesisyunan ni Lou na pumunta sa Lyrica Company para magfile ng reklamo at paratangan ng Plagiarism Case ang management na humahawak kay Aya. Pero sa mismong araw na tumungtong ang mga paa ni Lou sa naturang gusali ng Lyrica ay saka niya muling nakita si Taru. Pero nag-iwan lang matinding sakit kay ang muli nilang pagkikita na dalawa. Kaya naman matapos nilang mag-usap ni Taru ay hinayaan muna ni Lou ang kanyang sariling na magpakalasing kasama ang mga kaibigan niya. Pero iyon rin ang magiging dahilan para masangkot siya sa isang aksidente. Sa pagdilat ng kanyang mga mata, nasa ibang katawan na siya. Nasa katawan na siya ng babaeng iniidolo niya. Si Aya.Wala siyang ideya kung bakit sa dami-daming katawan na pwede niyang saniban, bakit sa katawan pa mismo ng kanyang iniidolo? Ano ang ugnayan nilang dalawa ni Aya?