SA BAWAT SECRET AGENT ng Alice's Secret Wonderland ay may kanya-kanyang ranggo na nagsisilbing pagkakakilanlan nito sa kakayahan bilang isang magaling na agent. Ang mga agent na katulad ni Lyra na hindi umabot ang ranggo sa one hundred list ay maituturing na Low Rank Agent na nabibilang sa numbers ng baraha ni Alice. At ang pinakamataas na baraha ay ang siyang namumuno sa kanila ay tinawag ng lahat sa Codename na ALICE. Ito ang may kontrol sa lahat maski sa mga kilala at maimpluwensyang tao ng bansa. Sa kanilang secret organization, ang mga secret agent naman na may ranggo mula sa ika-labing tatlo hanggang sa ranggong uno ay mga mysteryosong tao. Walang nakakaalam kung ano ang tunay na identity ng mga ito. Maski ang kinakatakutan na si Agent Alice ay walang pagkakakilanlan, kung ito ba ay isang babae o isang lalaki.Kaya naman ganoon na lang ang naging reaction ni Lyra nang magpakilala si Agustin sa kanila. Hindi ito basta-basta agent lang na katulad niya. Pero imbes na matuwa siya sa kanyang nalaman ay napuno ng pangamba ang kalooban niya. Matapos rin kasing pumirma ng kontrata ang pitong kapatid niya bilang mga secret agent ng Alice's Secret Wonderland ay halos araw-araw na siyang nakakabalita ng pagpatay ng mga opisyales. Mahal na mahal ni Lyra ang kanyang pitong kapatid. Kaya inilalaan niya ang kanyang buhay para maalagaan at maprotektahan ang mga ito kahit alam niyang nasa taning na buhay nilang walo matapos nilang pumirma ng kontrata. Habang lumalaki ang mga ito ay unti-unti nang umaangat sa ranggo ang kanyang mga kapatid. Pero kasabay rin nito ang unti-unti nilang pagtuklas sa tunay sa pagkawala ng kanilang magulang at ang tunay na nasa likod ng Secret Organization na kinabibilangan nila.

Dahil require sa kanilang eskwelahan, mapipilitan na sumama si Maribelle sa gaganaping retreat para sa mga graduating student na katulad niya. At iisipin na lang niyang palibreng outing na rin ito kaya sumama na siya. Pero pagtungtong palang ng kanyang mga paa sa naturang retreat house ay may kakaiba na siyang naramdaman. Hindi niya alam kung dala pa ito ng mga nakakatakot na kwentong naririnig niya mula sa ibang kaklase o sadyang may kakaiba lang sa mga madreng kasama nila. Sa pananatili ni Maribelle sa naturang retreat house may matutuklasan siyang lihim na labis niyang pinagsisisihan. Dahil sa pinakailalim ng bahay may isang malaking halimaw ang makakubli roon. Paano niya sasabihin sa iba ang kanyang natuklasan? Paano sila makakatakas sa lugar na isa palang farm para sa gutom na samorambang o mas kilala sa tawag na Praying Mantis!

HIGHSCHOOL PALANG si Lou ay pangarap na niyang maging isang singer at sumulat ng mga kanta. Kaya naman laking-tuwa niya nang may isang taong handang turuan siya. Si Taru. Ang secret crush niya. At ito rin ang kanyang magiging first boyfriend. Pero naudlot ang kanilang love story dahil bigla na lang nawala si Taru na parang bula matapos nitong makausap ang Mama ni Lou.Tatlong taon ang lilipas, maririnig ni Lou ang nilikha niyang kanta sa isang sikat na singer na si Aya. Wala siyang ideya kung paano napunta kay Aya ang kantang iyon ganoong siya ang sumulat nito. Para masagot ang gumugulo sa kanyang isipan, napagdesisyunan ni Lou na pumunta sa Lyrica Company para magfile ng reklamo at paratangan ng Plagiarism Case ang management na humahawak kay Aya. Pero sa mismong araw na tumungtong ang mga paa ni Lou sa naturang gusali ng Lyrica ay saka niya muling nakita si Taru. Pero nag-iwan lang matinding sakit kay ang muli nilang pagkikita na dalawa. Kaya naman matapos nilang mag-usap ni Taru ay hinayaan muna ni Lou ang kanyang sariling na magpakalasing kasama ang mga kaibigan niya. Pero iyon rin ang magiging dahilan para masangkot siya sa isang aksidente. Sa pagdilat ng kanyang mga mata, nasa ibang katawan na siya. Nasa katawan na siya ng babaeng iniidolo niya. Si Aya.Wala siyang ideya kung bakit sa dami-daming katawan na pwede niyang saniban, bakit sa katawan pa mismo ng kanyang iniidolo? Ano ang ugnayan nilang dalawa ni Aya?

Ang isang dosenang batang babae na iniligtas ni Jinuel Infantes mula sa mga isang sindikato. At dahil wala nang matuluyan ang mga ito, nagpasya siyang dalhin ang mga bata sa kanilang Main Camp para itrain bilang Secret Agent. Simula nang pumirma ng kontrata ang mga bata, pinalitan na rin niya ang mga orihinal na pangalan ng mga ito. Hinango niya iyon sa labing-dalawang buwan ng kalemdaryo. Si January, ang tumatayong lider sa kanilang grupo. Si February, ang kanilang medic. Si March, ang mahiyain at mas gustong mapag-isa. Si April, ang isip-bata at makulit. Si May, ang tahimik pero bihasa pagdating sa mga software. June, ang boyish at super idol ang isa sa mga tito niya. Si June July, ang twinnie ni June. Magkasing-edad lang ang dalawa kaya madalas napagkakamalang kambal. August, ang weird at mahilig sa mga creepy staffs. September, ang masayahin at bubbly na agent ni Jinuel. November, ang pangalawa sa bunso. December, pinakabunso. Siya ang talagang pinaiingatan ng kanilang grupo. Sa murang edad ay natuto na silang makipaglaban at p*m*tay ng tao. Ilang misyon na rin ang kanilang hinawakan, at napagtagumpayan. Sa bawat tauhan, isa-isa nilang matutuklasan ang tungkol sa tunay nilang pagkatao. Pero paano nila matatanggap ang lahat kung mismong lalaking nag-aruga at mag-alaga sa kanila ang makakalaban nila bandang huli ng misyon? Ang kinikilala nilang ama na si Jinuel Infantes ba ang nagiging sagot kung sino ang tunay na si Alice?

Sampung tauhan, may sampung lihim. Sampung tauhan, may kanya-kanyang nakaraan. Sampung tauhan, may sampung laro. Sampung tauhan, isa-isang mawawala. Sampung tauhan, konektado sa bawat isa. Sampung tauhan, sino ang tunay na may sala?Sampung tauhan, sino ang handang sumugal para sa Stranger's Challenge?

Sa mundo na puno ng hiwaga at kababalaghan. Sa kaharian ng Tayara, inaakala ng lahat ay isang mapayapang bayan. Ngunit walang nakakaalam ang lihim na bumabalot sa bawat tauhan.Isang hari ngunit dalawa ang Reyna, sino ang nararapat na maging Ina ng Bayan ng Tayara?Isang trono ngunit dalawang Prinsipe, sino sa kanila ang tunay na tagapag-mana?Dalawang Prinsipe ngunit iisa lang ang babaeng itinatangi. Sino sa kanila ang magkakamit ng tunay na pag-ibig?Sa gitna ng agawan ng trono. Isang mahiwagang babae ang lilitaw dala ang samu't samong lihim na tinatago ng Adarnang Itim, ang ibong sumisimbolo sa Kaharian ng Tayara. Ngunit bakit ito ay kulay itim, at hindi puti? Nasa kanya ba ang kasagutan?-----"Huwag kang matakot na lumipad dahil hinding-hindi kita hahayaang mahulog mula sa kalangitan. Maniwala ka lang sa akin, darating ako upang saluhin ka. Hahawakan ko ang iyong mga kamay kahit duguang naputol na ang aking mga pakpak.""Naghahanap ako ng mga salitang hindi ko makita sa iyong mukha. Ngunit batid kong mayroong sinasabi ang iyong mga mata na ang lahat ng ito ay pawang kasinungalingan lamang. Alam kong makakakita pa ring akong liwanag mula sa iyong puso na nagsisimilang mag-alab sa aking kalooban. Katulad ng pagsikat ng araw sa silangan at nagtatago sa pinakatuktok ng kabundukan.""Hindi pa ito ang oras para ako ay magpaalam. Alam ko na isa lamang itong panimula sa lahat ng misteryong nagaganap sa pagitan nating dalawa. Pero kung ito lamang ang daan upang sagipin ang iyong buhay mula sa kadiliman, isa-isa kong pupulutin ang nagpira-pirasong naputol mong pakpak kahit ako ay duguan."

BUONG BUHAY NI LUNARIA ay nakakulong lang siya sa kanilang mansyon upang pangalagaan ang kanyang pagkadalisay hanggang sa umabot siya sa edad na labing-walo. Ito na ang tamang edad para tanggapin ang pamana ni Lola Bell. Hindi naging madali kay Lunaria ang mga sumunod na nangyari lalo na't kinakailangan pa pala niyang magpakasal, at isuko ang kanyang pagkabirhen sa isa sa mga kalahi niya.Si Lorenzo Montemayor. Hindi niya kilala ang lalaking ito. Ang tanging alam lang niya ay pinsan ito kanyang Ama.Hindi sang-ayon si Lunaria sa nais ng kanyang ama kaya sa ikalawang pagkakataon ay nagawa niyang tumakas. At sa pagkakataong ito ay nagtagumpay siya. Sa unang pagkakataon ay nakita ni Lunaria ang mundo sa labas ng kanilang mansyon. Pero hindi naging maganda ang unang araw niya sa mundo ng mga tao. Nalagay siya sa panganib. Mabuti na lang may isang taong tumulong sa kanya, si Lorenzo. At dahil wala siyang kaalam-alam sa mundo ng mga tao, pumayag siyang pansamantalang makitira sa pamamahay nito. Tinuruan ni Lorenzo kung papaano kontrolin ang kanyang pagnanasang kumain ng tao. Nagawa siya nitong iienroll ni Lorenzo sa Unibersidad ng Manila kung saan isa naman itong Neologist Professor. Si Lorenzo ang tumayong guardian niya. Ito rin ang taga-linis ng kanyang mga kalat. Pero habang tumatagal ay unti-unti nang nahuhulog ang loob ni Lunaria para sa binata.Handa na ba niyang sumunod sa kagustuhan ng kanyang Ama? Handa na ba niyang tanggapin reponsibilidad bilang prinsesa ng mga aswang ganoong may banta ng kaguluhan sa pagitan ng mga tao at aswang?