Si Chester Kendric Canaleja ay ang panganay na anak ni Senator Arnaldo Canaleja. Sa tatlong anak ng Senator ay ito lamang ay may ayaw sa media, ayaw nito ng pinagkakaguluhan siya at ayaw rin nito na maraming camera nakapalibot sa kaniya. Gusto niya ay simple lang at tahimik na buhay. Subalit hindi niya rin naiiwasan iyon minsan dahil na rin sa apilyedo niyang dala-dala. Si Liliana Heart Estrada, isang babaing reporter, gagawin ang lahat para sa trabaho niya. Kahit na gaano kadelikado ang kaniyang assignment ay maayos niyang ginagawa pa rin iyon. Hanggang sa na-assign sa kaniya si Chester ang taong ayaw sa media. Naging sobrang challenging ito dahil sa sobrang hirap nitong ma-interview. Sa kakahabol niya rito may mga pangyayaring naganap at iyon ay isang araw si Chester na ang unang lumapit sa kaniya upang ibalita sa kaniya na kasal na silang dalawa.

Canaleja Series 2 ***** Si Corrine Hazel Canaleja, ang nag-iisang babae at bunsong sa tatlong magkakapatid na Canaleja. Mayroon ito angking ganda na kaiingitan at hahangaan mo. Dahil nga sa kagandahang taglay nito ay may isang taong gustong-gusto siya subalit hindi naman ito gusto ni Corrine. Dahil sa kagustuhan na makuha si Corrine ay pina-kidnap niya ito, subalit nakatakas din si Corrine, may hindi nga lang magandang nangyari sa kaniya dahil naaksidente siya. Sa pagdilat ng mga mata ni Corrine ay hindi niya alam kung nasaan siya at hindi niya na rin kilala ang sarili niya. Ang taong nakita niya lang ay ang matipuno at napakaguwapong si Leandro Vallejo. Si Leandro ay isang biyudo, dating pulis, at tahimik na naninirahan sa isang isla. Siya ang sumagip at kumupkop kay Corrine habang walang naaalala ito. Ang tanging hindi lamang alam ni Leandro na ang taong sinagip at kinupkop niya ay ang taong may malaking kinalaman sa nakaraan niya.

Na-atasan na magbantay sa isang sikat na artista si Inspector Ciara Paz dahil sa may nagtangka sa buhay nito, subalit ang taong babantayan niya ay ang lalaking nakarelasyon niya ng wala pang isang araw noong college siya. Parang aso't pusa silang dalawa ni Crisler ang lalaking babantayan niya. Laging napapasunod ni Ciara si Crisler dahil tinatakot niya ito lagi gamit ang baril niya. Sa misyon ni Ciara na maging personal bodyguard ay napalapit muli siya kay Crisler at ganoon din si Crisler sa kaniya. Maaari pa kayang magkaroon ng second chance sa kanilang dalawa, kung si Ciara ay takot na maulit muli ang nangyari noon?

Si Vannie ay isang raketera, simpleng mamamayan lang na sobrang dami ng nasubukan na trabaho basta legal na trabaho papatusin niya, siya na lang kasi ang bumubuhay sa kambal niyang kapatid kaya naman todo kayod. Pero nang dumating sa buhay niya ang tinatawag niyang 'boss sungit' ay unti-unting nagbago ang buhay niya bilang P.A ng sikat na boss sungit.

Si Criszana isang babaing matigas ang ulo, at puro sakit lamang ng ulo ang binibigay niya sa kanyang Kuya at Mommy kaya naman ipinadala siya ng mommy niya sa Hacienda nila kung saan malayo sa kabihasnan at walang signal ng internet. Sa pagdating doon ni Criszana ay nakilala niya si Akki, ang taong inatasan ng kanyang Kuya na magbantay sa kanya at magturo ng leksyon sa kanya. Si Akki ang taong magpapahirap sa kanya, ito ang taong magpaparanas sa kanya ng mga gawaing never niyang na-imagine. Subalit sa kabila ng pag-uugali ni Criszana ay naghahanap siya ng taong kakampi niya, ng isang taong makakaintindi sa kanya at natagpuan niya iyon kay Akki. Ngunit sa isang pagkakataon na hindi niya inakala ay may kaugnayan si Akki sa taong mga nanakit sa kanya, sa taong galing sa nakaraan niya. Ang inakala niyang kakampi ay hindi pala, ito rin pala ang magbibigay ng panibagong sakit sa kanya.