ايام القتلUpdated at Dec 20, 2021, 10:21
الستر و الغطا معناه انك تعيّش حبيبك او صديقك راحة البال ، عمرك ما تغلط فى حقه اولا ، و ثانيا تعرفه انك مهما شوفت منه مش هاتحط عيوبه تحت الميكروسكوب و تكبرها و تبرز معالمها لا ليك و لا ليه ، تتعلم ازاى تتغاضى عن كلام الناس عنه و انك تحكم بس من خلال تعاملاتك انت معاه ، تغض الطرف عن العيوب و المواقف السلبية سواء معاك او مع غيرك مش كل شوية تتكلم عنها او ترجع و ترجعه ليها فلاش باك .. تسامحه لما يغلط حتى لو تكررت اخطاؤه ، تنسى ما تبنيش هرم الاخطاء فوق بعضه ، تتعامل مع كل خطأ على انه الاول ، و تاخد بايده لبر الامان معاك اولا بانك ماتتخلاش عنه و ثانيا بانك تقرب اكتر منه و تحاول تعالج الخطأ .. المعادلة مش صعبة لكنها محتاجة شعور واحد فقط يكون بينك و بينه و هو : الإخـــلاص