"A-ano?!"ang di mapigilang sigaw na tanong ni Senyorito Pancho matapos ang ilang segundong pagkagulat dahil sa isiniwalat ng kanang kamay ng kaniyang ama. Bakas pa rin sa mukha ng binata ang matinding pagkabigla dahil sa rebelasyon na narinig. Wala siyang kamuwang muwang sa kung ano ang mga plano ng kaniyang ama kung sakali mang totoo nga ang impormasyong inilahad ng matanda.
Nagsusumingaw sa apoy! Nakakapaso! Iyan ang mababanaag mula sa mababagsik na mga mata ni Senyorito Pancho. Umpisa na naman bang manipulahin ni Senyor Flavio ang buhay niya? Hindi siya makakapayag sa bagay na iyon. Tutulan niya ito hangga't maaari.
Unti-unting naglakbay ang mga tingin ni Senyorito Pancho patungo kay Sabio na tila natuod sa kinatatayuan nito. Nagtagpo ang kanilang mga tingin dahilan para makita niya
