Ganda... Karangyaan... Kapangyarihan. Kung mayroong mang babaeng tunay na pinagpala, isa na roon ang nag-iisang anak ni Don Amado. Lahat ng kung anong gusto ng isang babae ay taglay na ng dalaga. Para kay Senyorito, wala ng sino mang babae sa hacienda Salvatore ang makakapantay pa sa kariktang angkin ng babaeng nakatakdang ipapakasal sa kaniya. Sa matagal na panahong pabalik balik ito sa teritoryo ng mga Salvatore, bukambibig na ng lahat kung gaano kaperpekto ang naturang dilag. Wari bang kumukinang na bituin ang dalaga sa paningin ng lahat. Ngunit sa kabila ng kung anong mayroon ang dalaga, ni hindi magawang maakit sa kariktan nito si Senyorito Pancho. Kaibigan lang ang kaya niyang ibigay kay Amanda. Ni hindi kailanman pumasok sa kaniyang isipan na darating ang araw na mahuhulog ang kaniy
