Malamig ang simoy ng hangin sa sandaling iyon. Bagamat dapit hapon pa iyon ngunit, ang mga ulap sa kalangitan ay masaganang kinukumutan ang haring araw dahilan para maging makulimlim ang kapaligiran.
Mabilis sa pag-ikot ang mundo. Anihan na naman sa lupain ng mga Salvatore. Sa bawat pagpintig ng orasan ay palapit rin nang papalapit ang kasalang nakatakdang magaganap sa susunod na mga araw. Dalawang buwan na ang nakalipas simula noong napagkasunduan at itakdang ipapakasal si Senyorito Pancho kay Senyorita Amanda. Tatlong buwan na lang ang papalipasin, kaya naman hindi magkamayaw sa paghahanda ang mga tauhan ng buong hacienda sa napakalaki at engrandeng okasyon.
Naroon si Sabio. Gaya nga nang ipinangako nito kay Senyorito Pancho, hindi ito umalis sa tabi ng binata. Naroon siya sa tabi nito
