CHAPTER 69
“Salamat Matt. Salamat sa pagmamahal at pag-unawa. Minsan iniisip ko kung tao ka pa ba pero masaya ako na ikaw ang makatambal ko. Masaya ako na mas pinili mo ako kaysa sa sarili mong pangarap at pangarap ng pamilya mong makatapos. Hindi ko alam kung paano kita masusuklian.”
“Huwag mong isipin ‘yan. Ang mahalaga naman ngayon, ikaw at ako pa rin ang magkatrabaho. Aagawin nating dalawa ang kinang nilang dalawa. Pangako ko ‘yan sa’yo.”
Niyakap ko na lang siya. Wala akong maapuhap pang sasabihin. Alam kong sa pagbalik ni Matt, sa pagsama niya sa akin, abot-kamay na namin ang tagumpay. Sisiguraduhin namin ni Matt na kung di man namin sila malalagpasan, bibigyan namin sila ng maganda-gandang laban.
Ang teleserye nina Erin at Bradley ang pinakamataas ang rating sa buong bansa at gus
