The Unbeatable Superstar
By: Joemar Ancheta
Chapter 68
Hindi man kumbinsido sina Mama Sheine at Papa Zayn sa mga desisyon ko sa buhay ay hindi naman nila ako pinigilang gawin ang mga nais kong gawin. Para sa kanila, ang mga desisyon kong ito ang siyang huhubog sa pagiging ako. Ito ang bubuo sa akin. Masaktan man ako o mabigo, ito ay mga aral ng buhay ko na siyang magiging batayan ko para mapabago ko ang aking landasin. Dito masusukat ang aking totoong talino. Dito rin mahuhubog ang aking tunay na pagkatao. Gusto kong tuklasin ang buhay sa paraang gusto ko. Kailangan kong matuto sa aking mga pagkakamali, ipagdiwang ang aking mga tagumpay. Hanggang pagpapayo lang naman ang tangi nilang magagawa. Sadyang matigas ang ulo ko. Kung ano ang gusto ko, iyon ang sinusunod ko. Nandiyan lang nam
