Dinala ako ng misteryosong lalaki na nakasuot ng maskara sa isang bahay panuluyan. Napakunot ang aking noo noong bumaba ako. Nakita ko ang pamilyar na desenyo ng bahay panuluyan. Katulad na katulad ito ng nasa kabilang nayon.
“Ako ba’y namamalikmata?” hindi makapaniwala na tanong ko sa aking sarili.
Kopyang kopya nito ang nasa kabilang panuluyan. Walang labis at walang kulang. Hindi ko maintindihan kung aksidente ba ito o talagang iisa lang ang may-ari?
Lumingon ako sa kaniya noong narinig ko ang pagtikhim niya. Napakunot ang aking noo habang tinitingnan siya. Nakatayo lang siya sa aking tabi.
Naramdaman niya siguro ang tingin ko kaya napalingon siya sa akin. Nagsalubong ang aming tingin. Napaiwas na lang ako nang tingin.
“Ano pang hinihintay mo? Pumasok ka na sa loob ng bahay panuluy
