Matagal ang aming paglalakbay papunta sa Noris. Naging mahirap din ang paglalakbay ngunit nagawa pa rin naming makarating sa Noris. Eksaktong tatlo ang buwan noong tumapak ang aming sinasakyan na kalesa sa lupain ng Noris.
Sa unang kita ko rito ay napansin ko na agad ang kanilang kakaibang kultura. May nadaanan kaming isang nayon at sa pinaka-bayan nito ay mayroong palabas. Mga batang nagsasayaw habang nakasuot ng puti na maskara.
Noong nakarating kami sa pamilihan ay napagdesisyunan naming bumaba at tumingin sa paligid. Pansin ko ang masayang ekspresyon sa mukha ng mga bampira. Kumaway ang mga ito sa kasama kong misteryosong lalaki.
“Magandang umaga!” bati ng isang lalaki na may makapal na balbas.
“Magandang umaga rin,” balik na bati ng kasama kong lalaki.
“Ginoo? Ang tagal nating hi
