Naging maayos ang transaksyon sa pagitan namin ng may-ari ng kalesa. Pumayag ito dahil binigyan na siya ni Misteryosong lalaki ng bayad. Tumingin ang may-ari sa akin. Napabuntong hininga na lang ako at pagkatapos ay inilabas ko na ang salapi. Ibinigay ko sa kaniya ang tamang bilang ng ersa na napag-usapan.
Mas natuwa ang may-ari, at lumayo sa kaniyang kalesa. Itinuro na lang ng may-ari ang kaniyang kalesa habang nakangiti. Matapos noon ay umalis na siya.
Hinawakan ko ang kabayo at marahan kong hinaplos ang ulo nito. Napansin ko na maamo naman itong kaya hinawakan ko na ang buhok nito. Mukhang magiging madali para sa akin ang pagpapatakbo rito.
Lumingon ako kay Misteryosong lalaki at nakita ko siyang sumakay sa kalesa. Umupo siya sa kanang bahagi kaya napakunot ang aking noo.
“Bakit ka
