“NAG-AAWAY ba kayo ng daddy ko, Miss Andie?” sabad sa kanila ni Twinkle, nawala ang kislap at pamimilog ng mga mata. Ilang beses na nagpalipat-lipat ito ng tingin sa kanilang dalawa.
Tumikom ang mga labi niya at bumaling sa bata. “No. Of course not, Twinkle.” Ngumiti pa siya dito.
“Come on, kid, bumalik na tayo sa bahay,” kaswal namang sabi ni Jesse at inabot na nito ang kamay ng bata. Nasa anyo ni Twinkle ang tila kalituhan at napasunod na lamang sa paghakbang ng ama. Nakalayo na ang mga ito ng kaunti nang lumingon sa kanya si Twinkle. Bahagya itong kumaway sa kanya.
Nakuha niyang ngitian ang bata bagaman mas lamang sa dibdib niya ang inis para sa ama nito. And yet she couldn’t help herself staring at the man’s back. It was sexy. Wala siyang pakialam kung ano ang sanhi ng pawis na nagp
