NABABALOT ng makapal na hamog ang paligid nang magising si Andie. Bumabangon pa lang siya ay naisip na niya ang gagawin niya. She took a quick shower at nagbihis ng sweat suit. Ilang sandali pa ay palabas na siya ng bahay para mag-jogging. Iyon na muna ang gagawin niya bago siya pumunta kay Vicky.
Ngayon ang lunch date nila nina Jesse at Twinkle. Siya ang host at kagabi pa lang ay naisip na niya ang mga putaheng ihahanda. Hindi naman mahihirapan si Andie sa bagay na iyon kung gugustuhin niya. Madali namang itawag kay Vicky ang mga pagkaing nais niyang ihain at doon na lamang kunin ang mga iyon bago ang oras ng pananghalian.
Ang totoo, iyon talaga ang balak niya kagabi. Less effort, more time for preparation. Pero nang lumipat siya sandali kay Jesse para kumpirmahin dito ang naturang tang
