FARRAH
Nanatili muna ng ilang oras si Mierve sa bahay ni Zick. Hindi rin ito mapakali sa loob ng bahay at hindi ito makatingin kay Zick.
Kalaunan ay umalis na ito dahil papasok pa ito sa mall na pinapasukan nito.
Nang umalis ito ay saka ko naalala na binanggit ni Zick ang pangalan nito sa harap ni Drixx bago umalis ang huli.
Ano ang ugnayan ni Drixx kay Mierve?
Kasalukuyan akong nasa kwarto na binigay ni Zick. Inaayos ko ang mga gamit ni papa. Hindi ako binigo ni Zick. Kasama ko na ngayon si papa.
Ang sabi ni Zick ay dito na tutuloy si papa. Kaya labis ang tuwa ko ng sabihin nito iyon.
Sinulyapan ko si papa na nagmamasid lamang sa aking ginagawa habang nasa wheelchaire.
Nilapitan ko ito at niyakap.
"Pa, na-miss ko po kayo. Pasensya na po hindi ako nakauwi kaagad. M-may nangy
