PINANINDIGAN ni Chesca ang desisyon nitong hindi tanggapin ang alok ni Asher bilang kasambahay.
Isang linggo na rin ng lumipas matapos iyon ngunit hanggang ngayon ay hindi pa rin sila nag-iimikan ng kanyang ama. Ang ina naman nitong si Aling Susan ay paunti-unti pa rin siyang kinakausap ukol sa alok na iyon ngunit iniiba niya ang usapan.
Iniiwasan niya na muna ang topic na iyon. Ayaw niyang may masabi na naman siyang ikasasama ng loob ng mga magulang. Hindi niya kailangan ng ibang tao upang tulungan siya sa paghahanap ng trabaho.
Bata pa siya. Kaya niya pang ikutin ang buong Metro Manila at halughugin ang kasuluk-sulukan nito para makahanap ng trabaho.
Pera ang kailangan niya. Nang tingnan niya ang passbook niya noong isang araw ay paunti na nang paunti ang laman nito.
Ngunit noo
