Beatrice Manuel
“Tumawag kayo ng ambulansya!” sigaw ng isang lalaki. “May bata, nabangga!”
Hindi ko alam ang gagawin ko. Parang na-black out ang utak ko.
“Please! Please, please… Gumising ka, bata!” Sigaw ko.
“Ate!” Biglang sigaw ng kung sino at may batang lumapit sa amin. Isang batang lalaki na sa tingin ko ay nasa pitong taong gulang at umiiyak ito.
“Bata! Kapatid mo ba siya!?” Malakas na tanong ko.
Tumingin sa akin ang bata na hawig din ng lalaking ‘yon. “Opo!”
“Nasaan ang magulang mo!?” Nagawa ko pang itanong kahit puno ng luha ang mga mata ko at garalgal na ang boses ko.
“Miss isugod niyo na sa ospital!” Sambit ng isang lalaki ng nilingon ko. “Kilala ko ang tatay ng batang ‘yan at narito lang din sa palengke at baka may binili lang!”
Tama! Mas delikado kung magtatagal pa at
